Presso l'editore Simonelli di Milano ha pubblicato in quattro tomi gli e-books di Napoletanata, cοrpοsa raccolta di locuzioni e proverbi partenopei corredata di ampie note stοricο-lingιιistico-anneddοtiche.

Partenza a matutino

Me ne sto' ghienno 'o vvi'?, senza scetarte

mentre ca 'ο suonno t'accarezza ancora...

e me ne vaco senza salutarte

e 'mponta 'e piede, senza fà rummore...

'Nchiudenno 'a porta, senza disturbarte

me ne sto' ghienno, e ssì... ca chesta è II'ora...

'o cielo è ancora scuro e i' me ne parto

comme a n'estranio e me ne vaco fora

senza sapé pe do', senza 'na meta

senza Iassarte 'o straccio 'e 'nu saluto,

senza avutarme, nè guardarme areto...

Tanto a che servarria?... Chi à avuto, à avuto...

Meglί'è ca duorme e nun te dico: 'Αddiο!..."

Giacché tu nun chiagnisse... E neppure io!

Sole 'e nuvembre

Νυνembre, e 'mmiez'’e nuvole, 'ntrasatta

'na lenza 'e sole, 'a 'i cca, s'è appresentata...

ma scioscia 'o viento e 'na fenesta sbatte

e mille fronne'e plàtene p"a strata...

“Αscimmο bbella mia, c' 'o sole è asciuto!..."

"Comme te vene?... '0 vvi' ca scioscia 'o viento...

Αddò vuó jì?..." "Va bbe'..." E zitto e mmuto

m'assetto nata vota... Nun fa niente!...

Sole 'e nuvembre ca nun daje calore

che sî spuntato a ffà?... Va' trasetenne...

Nce pierde 'o tiempo... Nun se scarfa 'o core

'e chi vo' bbene... 'Α siente? 'Α ddó vaje jenno?..."

me sta dicenno... E m'à avutato'e spalle —

cu n'ago 'mmano pe 'ngannapacchiane —

à fatto 'o nivo sujo dinto a'nu scialle

e buonanotte ámmοre!... Chianu chiano

s'è ffatta II'ora 'e se ne jì a cuccà

Ebbiva abbrile

Aggiu 'nfunnuto 'a penna dint'’a bbile

e te vulesse dì doje o tre pparole...

ma d' 'a fenesta chistu 'mpiso 'e sole

me sta cuntanno tutt' 'o mese abbile

c' ogge è schiuppato 'o vvi'? N'aria suttile

tutta prufumo, tutt'addore 'e viole

trase e se'mpizza... n'aria ca cunzola

e 'ntennerisce e tutto cchiú gentile

te fa paré... Pirciò, no nun te scrivo...

nun vale 'a pena, oj bbella! È pprimmavera!

Me voglio fa passà tutt' 'o currivo...

Nun vale 'a pena cu st'aria cenèra...

Famme chello ca νυό: nun c'è quistione.

Nce appiccecammo doppo 'sta staggiona.

Austo

Che sole, tiene mente! Sta 'e vedetta:

s'è miso 'e sentinella 'mmίez'’e titte...

E coce, coce... e io me so' arredutto

te dico a tte, completamente sfatto...

E che bbafuogno!... Aje voglia, seh'a paglietta!

E che nce faje?! Teté, ma staffe zitta...

Nun vengo no! Faccio 'a fine d' 'o strutto,

si metto 'o pede fora... i' songo chiatto...

Me pozzo arresecà fino ‘a Luggetta

cu chesta calandrella?... Qua' presutto?!

E ca sarria troppo 'nu scarpinetto

cu 'stu calore. Arrivarria distrutto...

Sa' che figura, allora?! Ato che bbotta:

Sperammo 'e no!

Nun ne pozzo fà a mmeno... So’’mmitato.

'Sta vota, bbella mia, m'ànnο cugliuto:

cchiú de 'na vota già me n'ero asciuto,

ma mo m`attocca 'e jirce a 'sta Traviata...

M'ammusciarraggio assaje, chesto è assodato:

i' nun ce so' purtato, è risaputo.

Sperammo sulo 'e nun cadè addurmuto

e 'e metterme a russà... Sa' che resate

si ‘o punto ca Violetta s'arricetta

i' me ne jesco cu 'nu runfo... 'e otto,

e 'a ggente scappa a ridere? Scommetto

ca vène 'a disturbata e santanotte!

E 'mmece d' 'o San Carlo, p' 'ammuina

succede ca s'avota a... San Carlino!

Statte attienta!

'Stu core mio t' 'o staje purtanno a spasso

e te ne staje vedenno bbene spisso

'o vuote e 'o ggire e 'o tiene, comme fosse,

a servitore tujo, brutta sberressa!

E isso zitto sempe: piglia e'ncassa

tutto se tène e quanto cchiù 'ο subisse

cchiú se sta quieto, nun 'a fa 'na mossa

e comme a 'nu canillo te sta appriesso

e te guarda speruto e nun te lassa

maje 'nu mumento e tu, tu mala rossa

le daje 'nu vaso quanno è ca te passa,

quanno 'o decide tu le mine n'uosso...

Μα statte attienta: si se 'nzama 'o fesso

pò muzzecarte... tuppo e pettenessa!

Nun ve pigliate pena

Si pure 'o ddoce ormaje me sape'e sale,

si me sento avveluto e scunfidato,

si me sento cchiú peggio 'e 'nu malato

ca tène e 'o ssape, 'o cchiú brutto d' 'e male...

ca vuje me cunfurtate, a che me vale?

A che me ρό servì ca me parlate?...

Nun cagna 'o fatto: overo m'à lassato:

m'à fatto 'stu rialo pe Natale...

Ascimmo? Pe gghì addò?... A San Gregorio?

'Ε vvie stanno allummate e chiene 'e ggente?

Μα si 'int'’o core mio è 'nu murtorio

chest'alleria nun pò servirme a niente!

Ascite vuje... nun ve pigliate pena...

l'aspetto 'e zampugnare p' 'a nuvena.

Quanno...

Quanno me piglia 'o ppoco 'e pucuntria

e m'arretiro 'nchiuso 'int'a 'na stanza,

tu spisso spisso, nun le daje 'mpurtanza,

dice: È ffatto accussí... Che ννυό ca sia?!...

'Assa 'ο sfucà... tene 'sta malatia

ògne ddoje e ttre e nun ce sta speranza

ca ρò cagnà... E ggíà! E i' pe crianza

me tengo 'a posta e abbozzo... Arrassusia

dicesse quacchecοsa... E ppο' è ssicuro

ca si pure parlasse, nun servesse...

Tu me dicisse: Oj ni’, fatte 'na cura,

ca 'a capa nun è bbona... E i' rummanesse

i' sulo... cu 'o pensiero 'e chist'ammore

ca tutt' 'e juorne, poco ‘a vota, more.

Ε mmo è n'annο

Ε mmo è n'anno ca 'o core te chiama

tutt"e ssere aspettanno 'nu che...

e 'sta freva ca tutto m'avvamma

cchíú s'appiccia e se 'nfoca pe tte!

E mmo è n'anno, fa n'anno ca péne

e rícorde cucente m'à dato...

e m'à fatto capì ched'è 'ο bbène

e quant'aggio, quant'aggio sbagliato...

N'anno sano passato a penzare,

n'anno sano 'e speranze cadute,

ogne gghiurno che Ilacreme amare,

che mea culpa cca 'mpietto sbattute...

Μa nun tuorne, nun tuorne cchiú maje

nun te veco cu mme comme a quanno

nun capevo e sbagliaje e t'amaje

nun sapennote amarte... Ε mmo è n'annο!

Si chistu core... 

Si chistu core fosse professore

e te sapesse scrivere canzone,

e te sapesse raccuntà 'a passione

ca pe te ssente — oj bbellα... — si 'stu core

nun fosse analfabbeta..., sa' a chest'ora

quanti sunette e vierze a ògne occasione

t'avesse scritto... Sa' che chiacchierone

ca sarria stato, si fosse duttore?!...

E invece, tiene mente, ògne pparοla

ca m'esce 'a νοcca è 'nα scemenza appena:

nun tène zuco, nun s'aiza... e vola

cammina terra terra, se 'ntartene...

Μa tu, tienele 'e cunto tale e quale

ca so' sincere assaje e cchesto vale!